انواع الشباب على الشات والمسنجر

انواع الشباب في المسنجروالتشات ....

و كل واحد يشوف نفسه اوكي ،،،،،،،

المرحلة الأولى : ( الي يا دوبك لسا متعلم يدخل الانترنت )

طبعا العمر يتراوح من 22 وما فوق ... وتلاقيه اول مايدخل ,

بيصير يقول هاي ممكن نتعرف , انا فلان من البلد الفلانية,

وتحسي انه فيه حنفية معلومات انفتحت واي شغلة بتقوليها بصير يقولك شو يعني مش فاهم

وبعد كل كلمة بقولك اصلي انا لسا جديد في الانترنت..

وهذه النوعية تقسم الى قسمين :

1 - يا اما متحمس وحاطط في راسه موضوع الانترنت

وبدو يتعلم

2 - يا اما سمع من صحابه عن الانترنت انه فيه بنات وجاي يجرب حظه

المرحلة الثانية: ( الي بيقعد على الانترنت بس مش كثير)

هذا النوع كل كلامه انا مشاغلي كثار ومبحبش الانترنت والكلام هذا

وبعد ما يحكي شوي بصير يقولك ممكن نكمل كلام في التليفون عشان انا بفوتش على الانترنت كثير

ومليش طولة روح اكتب والاشياء الي زي هيك

والنوعية هذه تنقسم الى قسمين:

1 - يا اما هو لحوح ويفضل يطلب نفس الطلب وصباح الملل يعني ليل نهار بيظل يطلب نفس الطلب

2 - يا اما فيه عنده عنزة نفس قصدي عزة نفس ومابلح عليك كثير بس بالاخر بتعصبن

وبيقولك اعمليلي بلوك..

المرحلة الثالثة : ( اللي قاعد على الانترنت ليل نهار)

وهذا الشرح عنه طويل وينقسم الى عدة انواع..

1 ) ابو نص نصيص

هذا الي حاطط ايده على زرار الزعل اي اشي بتقوليه بتكوني بتقصديه هو

و بتقللي من قيمته وبعد كام مرة كلام ممكن يقولك اعطيني نمرة تليفونك

ولما تعتذر يبصير يقولك انا بدي احترم رغبتك ورح يركبلك القناع الخشبي

وبين يوم والثاني رحتوخذي البلوك بوجهك ,

فنصيحة من اولها اعطيه بلوك بوجهه قبل ما يصدم بوجهك..

2 ) ابو دم خفيف

هذا شلل مركب تركيب.. وبتعرفي مين الي خدعه وقاله ان دمه خفيف وكل حكاياته سخافة وضحك

والمفروض انك تكوني مجاملة وتضحكي بس بنصحك ما تزوديها معه ليروح مصدق حاله..

3 ) الي مش عارف حاله

هذا شخصيته بتتنوع كل يوم على حسب المزاج..

وراح تشعري انك بتتكلمي مع واحد عنده انفصام بالشخصية..

اليوم رزين وعاقل بكرة لاسع وبعد يومين زنح وبعدها كووووووول وصبابا,

طبعا الحكاية مش ناقصة مجانين , الي فيكي مكفيكي..

4 ) اللزقة

هذا النوع يبي له حزم في التعامل معاه.. لان كل كلامه وينك؟

وليش بتتاخري لحد ما تردي؟ انتي بتكلمي مع احد غيري؟

ولك يا عم انت بتحشر حالك باشياء ما الك فيها ليش.. لو قولتيله ثواني رايح يقولك ليش وين رايحة؟

متتاخري.. شنو هاذ انتي مرجعتي وينكككككك؟ الله يخرب بيت سيدو هو شو بعنيه فيك...

ليكون باله عن حاله جوزك ولا لوزك...>>تئبرني هاللهجه خخخخ

5 ) ابو نصايح

صباح وجع الراس مع كلمة رايح تقوليها رايحة تسمعي نصيحة وفيه عرض خاص..

قولي جملتين وخذي اربع نصايح.. العرض مستمر حتى نفاذ الكمية..

ولو حكيتي شي ما عجبه رايح يقول , ليش بتحكي كذا بس لازم كذا ولا شنو رايك كذا

هيك كيك روح من وجهي يا بيك.. يلا ارقعيه ديليت او بلوك خليه يفرجيك عرض كتافه..

6 ) الحبيب

انا فيا جاذبية وكل البنات بتعجب بيا.. ايام ما كنت في الجامعة كانو يوقفوا الصبايا ع الدور..

وكانوا يتقاتلوا علي.. والمصيبة ان اي جملة رايحة تقوليها رايح يفهم منها انك بتحبيه..

واصلا مش بمزاجك يعني تحبيه يعني تحبيه .>>غصب المسأله ياعمي روووح

7 ) حريقة بنات

هذا النوع دايما ناسي حاله وبتلاقيه وين فيه انثى ملزق..

وين في اسم بنت بتلاقيه متربص..

ودايما مفكر حاله مرغوب وناسي انه بالنسبة للبنات زي كمية كراسي..

8 ) الكذاب

من اول الاسم والسن واي معلومة اخذتيها عنه ببين كذبه وما تعرفي ليش عامل حاله فصح...

واحسن شغلة ممكن تعمليها انك تنصحيه يسمي حاله الكذاب..

9 ) بابا اوبح

هذا ممكن يكون على الانترنت من سنة 1996 واتخرج واشتغل واتجوز وجاب ولاد

وهو لسا قاعد يتعرف على البنات..

وكل ما يحكي مع وحدة يقنعها انه مو متجوز وبدور على عروس ..

ولو جربتي تدخليله كل يوم بايميل ثاني راح تسمعي قصة مختلفة..
اسفه على الاطاله
انشالله يعجبكم الموضوع

بس ما تزعلوا يا شباب ماشي يعني مش كل الشباب الي هيك
تحياتي وردة الحب

شو هاد والله دخت وانا بقرأ
طويلة كتيييييييييييير
بس حلوة كتيييييييير والله
ميرسي وردة لك انتي قمر المنتدى والله

تسلمي يا مدينة انتي القمر يا حبيبتي
مشكورة على مرورك الرائع
تحياتي وردة الحب

اول شي اشي بضحك كتير يا وردة ههههه

بس يا ست وردة عنجدي عنجدي كلوا صح الي بتحكي فيه بس مو الكل "

بس ليش ما في بنات هيك ليش ما بتحكي عن البنات برضوا

لانو في بنات هيك بزبط بكونو ومرسي علي الموضوع الحلو ولمضحك

ولله انك نوارة يا حلو انت
تحياتي :احمد

اها طبعا في بنات هيك
بس انا لما نزلت الموضوع نزلتوا
على انو شباب وبنات
واكيد في بننات هيك
بس مو كلهم
تحياتي
مع احترامي للجميع
وردة الحب

اها اوك وردة مشكورة

مشكور احمد
على مرورك
تحياتي
وردة الحب

زائر

مرسي الك يا وردة روعة بجد طويل وحلو

بعدين يا مدينة الحب ما بتروح اخصارة الدوخة الي عندك لئجل وردة

ههههههههههه
تحياتي منوريـــــــــــــــــــن

تحياتي مجد.....

اوك وردة اهلا

» انواع الشباب لما يشوفوا بنت في السوق بس مو كلهم نصهم
» فوائد دراسة الشباب بجانب البنات
» انواع البوس ....اه مش مصدق خش وشوف ههههه
» هادي بعض كذب الشباب على البنات بس 25
» دعاء الشباب قبل معاكسة البنات